پيښور: مسجد کې چاودنې لږ تر لږه ۳۰ کسان وژلي
پيښور: مسجد کې چاودنې
لږ تر لږه ۳۰ کسان وژلي
د خيبر پښتونخوا په مرکز پيښور ښار کې د جمعې په ورځ د شیعه مذهبه مسلمانانو په یوه مسجد کې درنه چاودنه شوې ده. پولیس وايي له ۳۰ ډير کسان وژل شوي او په لسونو نور ټپیان دي. صدراعظم عمران خان دغه بمي چاودنه غندلې ده.
پولیس وايي چې په ټپيانو کې د اکثرو روغتيايي وضعیت نازک دی. د ځايي پولیسو مشر، وحید خان وويل چې دغه چاودنه د پيښور د زوړ ښار، قصه خوانۍ په مسجد کې د جمعې لمانځه پر وخت شوې ده.
اسوشتید پریس له پیښوره ليکي چې تر چاودنې وروسته امبولانسونه د قصه خوانۍ تنګو کوڅو ته رسیدلي تر څو د پيښې ټپيان د ليدي ريډينګ روغتون ته ورسوي.
د شایان حیدر په نوم يوه عينی شاهد وويل، چاودنه دومره زوروه وه چې هغه يې د مسجد له منځه بهر کوڅې ته راګوزار کړ. حیدر زیاته کړه: «کله مې چې سترګې خلاصې کړې دوړې وې او هر طرف ته مړي پراته ول.»
د ليډي ريډينګ روغتون په عاجله څانګه کې د خلکو سخته ګڼه ګوڼه جوړه شوې او داکتران هڅه کوي تر څو د پيښې ټپیان ژر تر ژره تر عملیاتو او درملنې لاندې ونیسي.
د پاکستان صدراعظم دغه بمي بريد غندلی دی. په پاکستان کې چې اکثریت يې سني مسلمانان دي، شيعه مذهبه مسلمانان په اقلیت کې راځي چې په پرله پسې تر بریدونو لاندې راغلي دي.
Comments
Post a Comment